www.hyil.com çúáçäçê íçæá
 

 

 

 






العودة   منتديات حائل > [[المنتديات العامة]] > منتدى الإقلاع
اسم العضو
كلمة المرور
التسجيل التعليمات قائمة الأعضاء التقويم اجعل كافة الأقسام مقروءة

***مطبــــــــــخ الاقــــلاع***

سنيتن بهذا سيّرت على لي عزوبيه عساه ما عاده يوم جيتهم قالووووو يا فلان الثلاجه مليانه من اللحم والخضره ما نا قصنا الا اللي يطبخ .........قلت الزبده قالوووو الزبده انك

إضافة رد
 
LinkBack أدوات الموضوع انواع عرض الموضوع
قديم 14-08-2003 - August 14th   رقم المشاركة : 1
معلومات العضو
الغضا
عضو منتدى حائل
افتراضي ***مطبــــــــــخ الاقــــلاع***


سنيتن بهذا سيّرت على لي عزوبيه عساه ما عاده يوم جيتهم قالووووو يا فلان الثلاجه مليانه من اللحم والخضره ما نا قصنا الا اللي يطبخ .........قلت الزبده قالوووو الزبده انك تطبخ وانت ما تعرف طريقك:( ....الدنيا قوه وضعفه الله لايمتحنا.......والله وانا اقوم بسكات يم المطبخ


وانا اجي يمار القدور تبي غسل والخضره تبي تقطيع واللحم يبي اللي يودنه بالماء



الوكاد مالكم بطويله وانا اتنيفذ على هالقدور وبساع مثل لمح البصر يمار انا غاسلهن واتلفت ابي منشفه يمار ما حولي منشفه وانا اقوم اموطهن بطرف ردني ويوم محشتهن وانا اخذ خيشة البصل واشقه واخذمنه حول هالست بصلات من البصل الحمر وانا اقوم اهجين واقطع ويوم خذيت شوين يهذا الموت شين يدرج مع عيوني وشين يدرج مع خشمي واغديلك علف طير:D وبس لي مناشق وبكاء وهي تخرب الهجينيه وهي تصير تاليه مرثيه:D




مالكم بطويله ويوم خلصت من البصل وانا استدني القدر وانا اوثّبه على القز ويوم رعيت يمار ماعندهم الا زيت عافيه وانا افتح النافذه وطول يدي وانا اقرطه.....وفتّش بالثلاجه واشوى القى الذنبه مقطعه واقطع من طرفه لي شوين واحطه بالقدر واقلبه واحط عليه البصلات واقوم احمسهن الياما يتغير لون البصل واحط عليه من البهارات يمار اللحيم جاهز وانا احطه على البصل واقوم اديره بالخاشوقه له قيمة هالعشر دقايق او ادون

واخذ المرفاس(بريق الماء..المفواح) واصب من الماء الحار عليه الياما يمتلي القدر واسكر عليه واخليه له حول هالنص ساعه واحط عليه بندوره وعقبه بعشر دقايق احط الملح واسكر عليه


ووثّب لي قديرن صغير عشان الكوسه والبيدجان تقطيعهن مع النص ويخلن على شكلهن بالقدير نحط عليهن بندوره وملح


نرجع لعشانا ونكشف عن القدر ونشوف اللحم هو استوى والا لا

طبعا هالحكي الرز غاسله بقديرن اخر..... رزنا مزه

واليا استوى اللحم اطلعه بله قدرن اخر وانظف القدر من البصل والطماط

واحط الرز ولازم الماء له وزن وازود الملح شوي

ارجع واقطع بصل عسى ما عاده واقوم احمسه واضيفله كمون اسود وشوي ملح واليا غدالك اسود وخذاله عشر دقايق احطه على جنب

طبعا الرز يبيله متابعه كل شوي تقصر على النار الى اخر شي واليا ضبط نفهقه عن النار ونجيب الصحن طبعا اموشوه بطرف شماغي كان به ماء او شينن اخر ونغرف العشا ونحط عليه الشليق من كوسه وبيدجان واجيب البصل المحموس واكبه عليه على ا لاطراف .............اليا منتهيتن طبختنا

واقلطهم على العشا وقلت لهم سّموووو ياعله زغاااا مداخيله العافيه ومخاريجه التخصصي:D لعنالله ابو هالوجيه لا تحرمون ولا تحللون كيف ماتخلون الواحد يسيّر عليكم


واحنا ناكل وهي تقوم هاقواطي له مصافقن عندنا كل شوين فاتحين لهم قوطي ببسي قال حديهم يالغضا اشرب ببسي تره يهظم قلت لا يهظم ابد خله يقعد على كبدي:D







يالله يا المقلعين كلن يتنيفذ ويعطينا طبخه اكيد عاد العيال والبنات بهذا شغلهم اتكيت ماهو مثل شغلي دمشقه











الغضا........ريح البصل اليا هالحين عالقن باصابعه:D


***l'fJJJJJJJJJJo hghrJJJJghu*** l'fo hghrghu







التوقيع

واشيب عيني واهني البهايم....

رد مع اقتباس
 

-
قديم 15-08-2003 - August 15th   رقم المشاركة : 2
معلومات العضو
فووووووووز
عضو منتدى حائل
افتراضي



الحمد لله والشكر
من ها لمقرووووووووود بياكل هالطبخه







قصدي من هالمحضوض













fooooooooooooooz









التوقيع

لي مبدأ ولي نضرة وتحكمني قناعتي
رد مع اقتباس
قديم 15-08-2003 - August 15th   رقم المشاركة : 3
معلومات العضو
حليلي
:: مشرف منتدى الإقلاع ::
Talking اممممممممممممممم

طيب ...لذيذذذذذذذذ ...بس يوجع التسبد .. امههه





يومك تخوجه ...كوسه على جنب ... والبيدجان على جنب ...وعكب ...تمعسه بيديك ...وعقب تمرطس ...البندوره ...
من الي يبي ...ياكله ؟

شف الطبخ .... هالون ...اتبع التعليمات ...ولا تنظر الى الخلف :)


شف ( المقلوبه ) انا اجيد ...طبخه المقلوبه ...كيف

او شي قدر ... كبير .. شوين
بعدين تجيب المقادير التاليه :-
دباء (مصريه ) قرع
كوسه
جحه............ لا ...الجحه لا
بصل
طماطم (بندوره ) ادري انكم دلوخ ...ما تعرفون طماطم
بطاط ...طس ... اي بطاطس
دياي ...دجاج
جزر .. حسب الرغبه
باذنجان ... بيدجان ركزو
ملح
بهرات
بيق
زيت ...عافيه ...تروح تجيبه ...الله ...لا يعطيك عافيه ...حذفته الغضا
زعفران طعام
رز ... كرنل (بشاور ) ...او مزه ..
.................................................. ..............
طريقه التحضير ...
تقطع الخضروات... حلقات(بما في ذلك البصل )
تصب ... تسكب ...قليل(ن) من الزيت على قعر القدر
تصف البصل ...لين يتغطا ...قعر القدر ...تخليه شوي يقلي ..مع الزيت ..وتضيف بهرات
ثم بعده ... تصف البنادوره نفس الطريقه لين يتغطا البصل
ثم تصف ... البيدجان ...ثم الكوسه ...ثم القرع ... بشكل مرتب
ثم تضيف الدجاج فوقه . .. وتضيف بين كل طبقه وطبقه بهرات ..حسب الرغبه
تذر عليه .... زعفران الطعام
ثم ملح ...
ثم ...فقط لاحظ فقط ....ثلاث ...كاسات ماء فقط ..كاس شاي
وطبق القدر ....لمدة 45دقيقه
في هذا الاثنا ...تكون مخلي الرز بقدر ...ثاني ...وسالقه (ثلاثه ارباع المستوي ) يعني باقي ربع ويستوي
ثم ...تفتح اقدر
وتنشف الرز ... وتضيفه ...فوق الدجاج ...,الخضار
تخليه ...ربع ساعه ...وافتح ....هوايل
.................................................. ...............................
طريقه الاحضار ...الغرف
تقلب القدر على الصحن ...مباشره ...لذلك ...سميت المقلوبه
طبعا ,,, راح يصير الرز ...تحت ...وهالانعام ...فوق
...بس مد يدك وكل


ايه تعبت ....من الكتابه والتفكير







التوقيع



الحق ماتلحق ... يعلك ما تلحق

رد مع اقتباس
قديم 15-08-2003 - August 15th   رقم المشاركة : 4
معلومات العضو
العملاق
عضو منتدى حائل
 
الصورة الرمزية العملاق
 

 

افتراضي انا علي اجيب الاينو ( مهضم )

جميع مواد التهضيم ازهلوهن علي

مايجيبهن الا انا

من سبة المطاعم صرت ما انزلهن من السيارة :D



حليلي خوش مقلووووووووووبة ;)



الغضا قبيلك مايدبر العود :D







التوقيع

رد مع اقتباس
قديم 15-08-2003 - August 15th   رقم المشاركة : 5
معلومات العضو
حليلي
:: مشرف منتدى الإقلاع ::
افتراضي

اقتباس:
اقتباس من الكاتب اعملاق

حليلي خوش مقلووووووووووبة


هههههههههههههههههه .... جازلتك



بس ترك ...نغرف ..لك ...لحالك ... ونعطيك دجاجه ...كامله



بس ما تقوم تلوي اصباعنا ...تحسبهن ...جنحان ...دجاجه



نخليك .... توسع لحالك :D






ههههههههههههه ... عاد تصدق ...جعت ...البارح ...ماتعشيت :(







التوقيع



الحق ماتلحق ... يعلك ما تلحق

رد مع اقتباس
قديم 15-08-2003 - August 15th   رقم المشاركة : 6
معلومات العضو
الغضا
عضو منتدى حائل
افتراضي

[QUOTE]اقتباس من الكاتب فووووووووز
[B][COLOR=red]

الحمد لله والشكر
من ها لمقرووووووووود بياكل هالطبخه







قصدي من هالمحضوض


--------------------------------------

المقرد واجد:D



















وبعدين تعالي هنا وين طبختك ما عرضتيه عندنا هاه







التوقيع

واشيب عيني واهني البهايم....

رد مع اقتباس
قديم 15-08-2003 - August 15th   رقم المشاركة : 7
معلومات العضو
شمالي الهوى
عضو منتدى حائل
افتراضي

اجل صايرن الشيف الغضا :p

تسلم ايديك والله على هالطبخه
ولاعمرك تعود له :D

وبعدين هالمقاريد اللي يقولون نشرب ببسي علشان نهضم
يخوي لاياكلون من الاصل ،، يقعد بقدره احسن





















شمالي الهوى ....... مطبخ الغضا يغسل القدور :p :D







التوقيع

يامنتدى حايل من الصعب ابنساك
،،،،،،،،،،،،،،،، مدام فيك اهل المواجيب نلقاه

( حمود التميمي )

رد مع اقتباس
قديم 15-08-2003 - August 15th   رقم المشاركة : 8
معلومات العضو
الغضا
عضو منتدى حائل
افتراضي

حليلي وشي مقلوبته يا عل مايقلبك المتعافي:D









يا ولد نبي يدامات ازين افطلنا كانك تعرف منهن طبخه اما باميا والا ..............





على عجل ولدي







التوقيع

واشيب عيني واهني البهايم....

رد مع اقتباس
قديم 16-08-2003 - August 16th   رقم المشاركة : 9
معلومات العضو
حليلي
:: مشرف منتدى الإقلاع ::
افتراضي طبخه الصيف




طبخه الصيف ...جد والله تعلمته ...قبل سبوع :D

العائله ... مسافرين لحائل ... وتخبرون الواحد جالس بالبيت ...يتفنن ... بالطبخ ... والتخريب ... شين(ن) محترق ...وشين (متلاصق على بعضه ..وتقطه ..هو..والقدر ..
لين ....حصلت على وجبه سريعه وا لذيذه جدا :D

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,

المقادير


قطعتان ... تويست (الخبز المربع ) بلشنا فيكم (حتى التوست ..ما تعرفونه)
جبن بوك ...سائل
بيضه :D
طماطه
زبدة لوربك
فلفل ..اسود ...(مدحرج ) ركزو.....لا.... تجيبون العيد
ملح
قلاية تيفال ...على راس.... دلع :D ...ولا ... الفال له
طريقة التحضير
تضع ... قليل ..من الزبده ..على القلايه
وتكسر البيضه مباشره على القلايه ..بدون فقع الصفار
تضيف قليل ..من الملح ... والفلفل (تذر عليه ..ملح ومدحرج)ركزووو
تقطع شريحه واحده من الطماطم ..على شكل دائره تضعها فوق الصفار
افقع الصفار ...مع وسط الطماطه عاد ..انت الحين
طبعا نرجع للتوست ..تدهن احداهن جيدا بالجبن :D
ثم نرجع للقلايه
بعد قليل ...سوف ترا ..ان الصفار تجمد مع شريحة الطماطم
بعدها
تشيلها بهدوءءء وتحطها فوق التوسته الي به الجبنه ...وتغطيها بالقطعه ..الاخراى .. وسلام عليكم السلام
راح تذكرني بالخير :D
سلام ..... :confused:







التوقيع



الحق ماتلحق ... يعلك ما تلحق

رد مع اقتباس
قديم 16-08-2003 - August 16th   رقم المشاركة : 10
معلومات العضو
دلع شمر
عضو منتدى حائل
 
الصورة الرمزية دلع شمر
 

 

افتراضي

ماعليكم من حليلي

ماعنده ماعند جدتي الله يرحمه

انا اقوولك اكله سهله ولذيذه

المقادير

توست((بريده)) واذا مانفع الاثنين معكم(خبز مربع)على قولة حليلي

خياره وحده لايكثر

طماطه

وجبن بوك سائل

الطريقة

احضرو البريده

يااربي اقصد الخبز المربع اقعدو يتطالعون لازم ترجمه يعني

افففففففففففف

<<<<<<<يبيله تكفيخ

المهم ان احضرتوه ادهنوها بجبن سائل

وعقبن= بعدين ادري انكم تعرفونه

وبعدين قطعو الخيار الى شراائح

على شكل عيووون حليلي

كيف شكلهن ماادري

المهم وقطعو الطماطه على شكل

افم

والصقو الخياره على البريده

وكذلك الطماطه

وبالتاالي ستحصلوون على

وجه حليلي وبالهنا والعاافيه

ترى الاكله حلووه وامووت عليه انا

بس اذا بغيتو تحبووونه انسوو انه على شكل حليلي

واوعدكم بتحبوونه

<<<<<<<<<تسال ياترى كيف شكل حليلي

هل هو هكذا

ام انه يمسح دمووعه من الكيبووورد

وبانتظار ردودكم على الطبخه الشهيه

التي لم تقرب من النااار

تحياتي

دلع







التوقيع

اقتباس:
ودلـع يعلـه فدوتـك كـل نمـام *** يفداك من شكك ..ومبـداه تطبيـل
لاهنت اخوووي خالد عبد الله
رد مع اقتباس
إضافة رد

مواقع النشر (المفضلة)

الكلمات الدليلية (Tags)
مطبخ, الاقلاع


 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


-


الساعة الآن 04:23 AM



Powered by vBulletin™ Version 3.8.7
Copyright © 2014 vBulletin Solutions, Inc. All rights reserved.
Content Relevant URLs by vBSEO diamond