www.hyil.com çúáçäçê íçæá
 

 

 

 






العودة   منتديات حائل > [[المنتديات العامة]] > منتدى الذاكرة الشعبية > المنقولات والقصائد المختارة
اسم العضو
كلمة المرور
التسجيل التعليمات قائمة الأعضاء التقويم اجعل كافة الأقسام مقروءة

الى عاشق حائل - الفية بن عمار كاملة

الف اولف من كـلام ِ نظيفــــــــي *** ودموع عيني فوق خدي ذريفــي من لام في حب الحبيب وليفـــي *** دقـاق رمش العين سيد الخونـدات خوندات ياللي ما بعد

إضافة رد
 
LinkBack أدوات الموضوع انواع عرض الموضوع
قديم 05-04-2002 - April 5th   رقم المشاركة : 1
معلومات العضو
آرم سترونق
:: مراقب عام منتدي حائل ::
افتراضي الى عاشق ح


الف اولف من كـلام ِ نظيفــــــــي *** ودموع عيني فوق خدي ذريفــي
من لام في حب الحبيب وليفـــي *** دقـاق رمش العين سيد الخونـدات
خوندات ياللي ما بعد عاشرنـه *** قله تراهن في الهوى يذبحنــــــه
قلبي وقلبك يالمشقا خذنـــــه *** عزي لمن مثلي تعرض للافـــات

البا بليت بحب خلي علــى ماش *** ولاحصل لي منه ما يبرد الجــــاش
غديت انا واياه طاســه ومنقاش *** بالوصف كني له معزي سلامــات
سلامات للذي هم يذكرونـــــه *** يبي السلامة منه وهي المعونــــه
يقول طيب مير غارت عيونـــه *** سبب ولدكم واحد صابه ومــــات

التاء تليت الزين والزين مقفــــي *** امشي وحتفي ناقله فوق كتفــي
لاشفت مجدول وكتـــف ورد في *** ماقوى التفت لو طوحولي بالاصــوات
اصوات قالوا ياهبيل وسايــــح *** طرد المقفي يالمشقى فضايــــح
قلت ايه مير اشواركم والنصايــــح *** مثل المطر فوق السحال المكفــات

الثاء ثمانه حب رمان طايـــف *** او قحويان ٍ في رياض ٍ عطايــــــــف
متنقلٍ بالزين سيد العفايـــــــــف *** عمهوجة ٍ فيها من الحور شـــارات
شارات فيها من ظبي الحمــادي *** هي لذة اللذات وغاية مــــــرادي
من يـــوم قفا صويحبي من بـلادي *** عليه جاوبت الحمامة بالاصــوات

الجيم جاني من عشيري كلامــي *** ولا لقينا من يرد الســــــــلام
عليه زرع القلب هايف وظامـــي *** مالي جدا كود البكاء والتنهـــات
انهت على ما فاتني من زمانــي *** يــوم الحـبـيّـب زارنــي فـي مكانـي
وراي ماخذت القضاء يوم جانــي *** توي دريت البيض فيهن غــــــرٌات

الحا حليه في الوطن ما لقيتـــه *** عذلت قلبي عنه ولا قويتـــــــه
لوه يذكــــر يم مسكه نصيتــه *** انصـا ه لو دونه بحـورو مسافـــات
مسافات لو هي في بحور الظــلامي *** او وسط بتيلٍ حداه الـــولامي
اذاحصل شف وبلوغ المــرامي *** صبرت لو طبيت بحر الظلامــات

الخاء خليلي صار عندي قـــريبي *** جعلي نصيبٍ له وهو من نصيبـي
ودي نواجه نور عيني حبيبــــــي *** مار الوحيد لهيد ما فيه نوهــات
نوهات نوهات ٍ غـــدت من غثا البال *** طول النهار مسِيم عمال بطــال
وانا اترجى كل حول ٍ إلى حــال *** دنياك هذي ياريش العين نشبـات

الدال دامي ما مسكت الذوايــب *** لـو قـيــل طيب قـلت ما نيب طايــب
دنو استاد القبر ودنو النصايـــب *** ودنو دواة الحبر نكتب سجـلات
سجلات اريد اكتب بها لي وصيــه *** عمري قضى يا وجد اهيلي عليــه
قولو لصافي اللون ياقف عليـــــه *** اغديه يرجع ويتحسف بما فـــــات

الذال ذالي عنه مدة ليــــالي *** لـو قـيـل طـيب قـلت انا أبخـص بحالــي
والله مايطري علي شف بالـــى *** الا انت يا راعي الثمان الرهيفـات
رهيفات فـيـهـا للمشقى طرابـــه *** مجمول مدلول ٍ ولا به طنابــــه
هنـــي من يـدخـــل معه في ثيابــــه *** وأسـج انا وياه في العمر سجــات

الراء ردوف صويحبي ثقلنــــه *** ونهوده الثوب الحمـر شلعنــــه
ومثومنن ما احلى بياضه ودنــه *** من فوق جسم ٍ فيـه من عرق الارطات
ارطات غرمولٍ ذرته الـــذواري *** والله لولا اني علـــى الـترف اداري
لأضوي عليها مثل ذيب الغـــداري *** جايع وبـا لـغـابـه عياله مجيعـــات

الزاء زماني شفت منه الهوايــل *** لاعاد حظي فـي الغنادير مــــايل
الزين لــــو نترك قصير ٍ وطايل *** لاشك وين العقل هيهات هيهـــات
هيهـات لو فـي العـقـل يــا ديـب لبـه *** ما كان يتبع واحد ما يحبــه
ليصار قـولـي لـــه خريطٍ بدبـــه *** وش لك بشوفه يالعيون المشقـات

السين ســقـنـامن الدراهم وعيـــا *** واللي نبي من صاحبي مــا تهيا
يقول والله لو تحب الثريــــا *** خذني على السنة تشوف الطرابـــــــات
طرابات ينسنك جميع الــــدروبي *** أغـد يك في باقي حياتك تتــوبي
اجعل مقرك بين جلدي وثوبـــي *** حتى تشوف البيض فيهن لــذات

الشين شاب الرأس ياعذب الانيــاب *** والـلي بطــارى توبة ٍ كــان قدتاب
لى حاجة يا زين بـس افتـــح الباب *** يرحمني اللي عـالـم ٍ بالخـفـيـات
يرحمني اني فيك يازين مفتـون *** من حبك اسهر والخلايق ينامــون
الهيتني عن مذهب اللي يصلــــون *** ما عاد اميز لو قـرآن التحيات

الصاد صيدي يوم الاوي غريمـي *** شفق ٍعلي الحبه ولمس البريـمي
مهوب صيدي قلة في الحريــمي *** لا شك كل ٍ له مع الناس مشهــات
مشهاتي انته ياظبي الفريــدي *** حب العرب ينقص وحبك يزيـــدي
لا شفت زولك ذاك هو يــوم عيــدي *** تصبح بساتين الضماير مريفـات

الضاد ضد ٍ حال بيني وبينــه *** يقول هذا واحد ٍ لاتبينـــــــــــــــه
جعل الوجع يشقيه في صبي عينــه *** يسهر ولايمرح من الليل ساعـات
ساعات فيها ما يشوف الجــدارا *** ولايعرف الليل هو والنهــــــــارا
وعساه يوم البعث يحشر حمــارا *** ويحملونه حمل الاسراف سيئــات

الطاء طويت اليأس والسد باحـي *** وما عاد لي شف ٍ بظبي الضواحـي
ياعلها هفت خفـــــوق الجناحي *** اللي سبوقه فوق رجله مطــوات
مطوات وليا طار في يوم هبــــــــه *** راعيه لو رز اللواء ما ينبـــــــــــه
طيرٍ قضيب او الحباري غدت بــه *** يبي العشاء من بين فخـذ ٍ وثندات

الظاء ظمانه لا تعـاشــر لك اثنيــن *** لازم تخلي عشرتــك يامسيكيـن
ما خبر يجمع فــي المرابط حصانين *** يجي لها هز ٍودزٍ وصقــلات
صقلات يصقلها الى ا دنوا طعامـه *** يجي لها مــع المعيشه بحامـه
اسمع كلامي يالهبيل الفدامــه *** إلي جمعت الحصن فالحصن خطـرات

العين عن من ينقل الهرج حــذراك *** تراك كنك ناقل ٍ داك بــــــــــــرداك
إلى سمع له كلمة مــن حكايـــــاك *** يحطها كبر القصــور المبنــــات
مبناة مبناة كبر خشم الغرابـــــه *** ويكدر المشروب عقب الطرابــــه
وهو يشابه بومة ٍ في خرابــــه ***لاناقل الهرجــــه ولا كفو هرجــات

الغين غاب العقل باول شبابـــي *** وادميت من تلعات الارقاب نابـــي
واليوم شاب الرأس والكيف طابي *** ماني على الفايت كثير الحسوفات
حسوفات لاتحزن على اللي مضى منك *** ايضا ولاتفرح على اللي يجي منك
مدراك وش موجب سبب صدتـه عنك***ناهيك والي العرش رب السموات

الفاء فؤادك لاتوليه حساد *** واحذر يجي لك مع اهل الشر مقعـــــاد
واهرج وكنك عن جميع العـــرب صاد *** ثم اعتبر بالذيب يضـوي بغرات
يضوي بغرات وهم ما دروا بـــه *** واللي يوقف في المحاري هقوا بـــه
كم واحد وقف ولاقضى نوبــه *** يهـوي الى شاف اللحم كنه حــدات

القاف قل للي يريــــد النواميس *** اللي يبي طرق الهوى يرخـي الكيس
الا بذلت النفس والكيس وابليـس *** يطيح ناس ٍ يدعون الديانــات
طاحوا وصاروا للخلايق علاجــه *** يلقى بهم راعي الهوى قضي حاجـه
وإلانثرت الحب جتك الدجاجــه *** حاضت وباضت لو تبي عشر بيضــات

الكاف كن السد في كل الاحـوال *** واحفظ لسانك لايقولون ذا قـال
حتى تجي عند العرب خوش رجـال *** لا جيت مجلسهم نواظرك صقـرات
صقرات لا تجلس مـع اللي يشاكيك *** هو داء دواك وتحسب انـه يداويك
ياذيب كان الله على الرشد هاديـك *** اكتم كلامك بالضلوع المحنـــات

اللام ليت العمر ينكس لحلـــــه ***قيمة ثلاثين السنه هي محلـــــه
الرجل قبل الشيب يا حلو دلــــه *** ولا لاح فيه الشيب ما فيـــه لذات
مافيه لذات ٍولا يرغبونـــه *** لو حط له ردن ٍ وكحل عيونــــــــــــــه
اهل الهوى عقب الغلا ينكرونــه *** لوهو مصافيهم على فايتٍ فــات

الميم ما غيري من الناس جـــرب *** ولاهو بمثلي في حياته تطــرب
لاويت صافي اللون فوق المضـرب *** كن العدو عني عيونـه مـــداوات
مداوات جعله ما يجي لك عبــاره *** واللي بصد ٍعنك وش لك بكــاره
الحذر ما ياطى بوسط الخبــاره *** لازم يجي فيها عقارب وحيــــــات

النون نام الحظ ولا فيه حيلـــه *** عيا يباريني وانا ازريت اشيلــــه
من يوم فارقني عريض الجديلـــه*** قام يتكسر في حشا الصدر عبــرات
عبرات ضيقن حنايا ضلوعـي *** عليك يا خلي حسين الطبـــــــــوعِ
عليـك ما جفت محاجر دموعــي *** دايم عيوني في مهاواك سهـرات

الهاء هواي السابعه يالفطينــي *** والثامنة ياللي تعرف الرطينــي
مخفية ما ودي لضدي يبينـــــي *** والتاسعة تحصاه باعداد الاميــات
اميات مات القلب من كثر همـي *** واشكي عليك الحال يا ولد عمـي
انته عضيدي وانت لحمي ودمـي *** ترضاه يجفاني ولانيب مجفــــات

الواو ويل اهل الهوى من هواهـم *** ان كان هل اللي سم حالي وطاهـم
كم ليلة ٍيصبح غبيبٍ عشاهـم ***الالقيمات ٍ مع الحلق مـــــــــرات
مرات لين اقضي من الترف شفـي *** واوسده عضدي وزندي وكفــي
واكشف عن اللي غابي ٍ وامتخفـي *** ثم ٍ يجي للزاد والشرب لـــذات

اليا يحبه صلف ومراقده كلــف *** لو هو يتمم مطلبي كان اقول الــف
حيثه صديق من قديم على عــرف *** والا فغيره لو يبي عشر بيـــزات
بيزات ما افلها لغيره بلاشي *** من جنس رأس الظبي ما ابي عراشي
الا لمن ما يه على ماه مــاشي *** هذاك من يمه فلوسي رخيـّـات

______________________
الشاعر محمد بن راشد بن عمار رحمه الله، قالها عام 1340هـ.
(منقوله) عن حفيده وسميه الشاعر محمد بن راشد بن عمار.
*( مسكه ) مسقط.
*(خشم الغرابه ) جبل في ثادق .
*( يا ولد عمي ) محمد بن عبدالله بن عمار .
*( بتيل ) سفينه
*( خباره ) جحور الجرابيع


hgn uhar p hgtdm fk phzg ulhv ;hlgm







التوقيع

رد مع اقتباس
 

-
قديم 05-04-2002 - April 5th   رقم المشاركة : 2
معلومات العضو
عاشق حائل
عضو منتدى حائل
افتراضي

كفو الله ،،، آرم سترونق ،،،،

لا ماشاء الله الذاكرة ( فولاذ :D ) ،،،،،،،،،،

توك أجل شباب ونبي ندور لك مره :D :D ،،،،،،،،،،

الله يعطيك العافيه يا آرم ،،،،،،،،،،،،

تسلم يا الغاالي ،،،،،،،،،،،



شكراً ،،،،،،،،،،،،







التوقيع

ولست أرى في عيوب الناس شيئاً
كنقص الادرين على التمام ،،،،،،،،،

رد مع اقتباس
قديم 12-07-2002 - July 12th   رقم المشاركة : 3
معلومات العضو
جلعود
رئيس الاشراف
افتراضي

أف للارم..
أف للمايسترو
أف لابن عمار
أف لافلاطون .. وأف لليمون .. وأف أخيرة للوطن!!

أف ايضا : للشعر الجميل...


جلعود..







التوقيع

آفة الرّأي : الهوى
رد مع اقتباس
قديم 12-07-2002 - July 12th   رقم المشاركة : 4
معلومات العضو
ذيب رمّـــان
عضو منتدى حائل
افتراضي

أخي الغالي / آرم سترونق

مشكور يا عزيزي على هذا الاجتهاد

تسلم وما قصرت


تحياااااااااااااااااااااتي







التوقيع

رد مع اقتباس
قديم 12-07-2002 - July 12th   رقم المشاركة : 5
معلومات العضو
فتى المستجده
عضو منتدى حائل
 
الصورة الرمزية فتى المستجده
 

 

افتراضي

اشكرك يااخ ارم سترونق كنت ابحث عن هذه الالفيه ووجدتها عندك اشكرك مرة اخرى من اعماق قلبي


الى اللقاء000000000000000







التوقيع

يابعد حيي

رد مع اقتباس
قديم 12-07-2002 - July 12th   رقم المشاركة : 6
معلومات العضو
ولد حائل
عضو منتدى حائل
افتراضي آرم سترونق

السلام

الاخ/ آرم سترونق وفقه الله
والله انك رفعت الحرج عني الله يستر عليك.
حيث تطرق احدهم لبيت من هذه القصيده وكنت حاضرا وكانوا كلهم من مناطق اخرى
وقالوا لي اكمل ذكرت بعض منها واعترف بتقصيري.
اما الآن فانا فخور بما قدمته وعرضته لنا واعتز بك ايما اعتزاز .
وسف ارسلها لهم عن طريق الفاكس.
والفضل لله ثم لك يالعزوة (آرم سترونق) .
واككر شكري لك .
الى الأمام .
ولك خالص تحياااااتي
ولــــــــــــد حــــــــــــــائــــــــــــــل







التوقيع

ولــــــــــد حــــــائـــــل
حـــــائــــل واهــــلـــهــا اولا

رد مع اقتباس
قديم 12-07-2002 - July 12th   رقم المشاركة : 7
معلومات العضو
العديم
عضو منتدى حائل
افتراضي

الاخ/ جلعود
شكرا على نبش هذه المشاركه للاخ سترونق قبل مايصير مدير يوم كان يمر علينا ويجيبلنا من القصايد..
على فكره يالعمده اما تشوفه هناك قله الربع متحرينك..
شكرا جلعود/سترونق







التوقيع

حذروني منه قلت :الله عليه.............والله إني لآصله واصير ندَّه
كان فيني حلق لاتبخل يديه..........وكان رزقي في يمينه لايمدَّه
وكان بعص الناس عبّادة وجيه.........لاتفلسف ..اسمها بالدين ردَّه
وكان شفت اللي لسانه مبتليه...يكفي المسكين وسط الناس صدَّه
طيروووه ويحسب إنه سيبويه......مادرى انه شوتةٍ من جنب قدّه
رد مع اقتباس
قديم 07-10-2003 - October 7th   رقم المشاركة : 8
معلومات العضو
آرم سترونق
:: مراقب عام منتدي حائل ::
افتراضي

الأحبة جميعاً ....
شكراً لمروركم الكريم ...







التوقيع

رد مع اقتباس
قديم 16-12-2003 - December 16th   رقم المشاركة : 10
معلومات العضو
أبو زقام
عضو منتدى حائل
افتراضي

منقول ::
----------

كنت الى وقت قريب اظن ان ابن عمار المشهور بألفيته والتي نهج فيها نهجا مميزا دلل فيه على قدرته الشعرية وعبر فيها عن معاناته حيث انه جعل لكل حرف من احرف الهجاء اربعة ابيات في ثمانية اشطار على ان تكون نهاية الشطر الرابع هي بداية الشطر الخامس وهكذا حتى اتى على احرف الهجاء جميعها وعدد ابيات القصيدة 112بيتا ومنها قوله في المقطع الاول:
الف اولف من جواب نظيف
ودموع عيني فوق خدي ذريفي
من لامني في حب خلي وليفي
دقاق رمش العين سيد الخوندات
خوندات الذي مابعد عاشرنه
قله تراهن بالهوى يذبحنه
قلبي وقلبك من عروقه خذنه
عزي لمن مثلي تعرض للآفات
ويظهر من قصيدته ان حرمانه من الزواج من حبيبته بسبب الفوارق الاجتماعية التي يعيشها المجتمع في كل زمان ومكان؛ وتداول بين الناس انه فقد عقله بسبب الحب والغرام بعد نظمه لهذه الالفية ثم انه التجأ الى غار في احد الجبال المحيطة ببلد ثادق وعاش في عزلته بعيدا عن الناس حتى مات ويظهر انه توفي في مرحلة المشيب.
اقول كنت اظن انه لم يصل الينا من شعره سوى هذه القصيدة الالفية حتى اطلعت على قصيدة اخرى نشرها منديل الفهيد في ثمانية عشر بيتا وموضوعها في الحكمة والنصيحة مطلعها:
يالله يارياف بحال المسكين
اللي يشيلون الخطيات والجوار
ولم اجد في كتاب الصويان (الفهرست النبطي) لهذا الشاعر اي اشارة لغير هاتين القصيدتين؛ واقتصرت معلوماتي حول هذه الشخصية وقصته الدرامية كضحية من ضحايا العشق على ذلك حتى اطلعت على الطبعة الثانية 1423ه من ديوان البدراني (عبدالمحسن بن فوزان آل سويلم) من اعداد براك بن عبدالمحسن الفوزان فوجدت فيه بعض الاشارات لهذه الشخصية وهي ان محمد بن راشد بن عمار بعد ان فقد عقله اتخذ غارا في جبل يقال له القويرة وكان لايجرؤ على الوصول اليه الا عبدالمحسن بن فوزان (صاحب الديوان) والشاعر عبدالله بن عبدالرحمن الدحام رحمهم الله جميعا وفي مرة صعد اليه عبدالمحسن وحثه على النزول مداعبا بقوله:
يالشاعر البيطار قم ولع النار
وكثر على جال الوجار القدوعي
فأجاب ابن عمار:
والله ما اذخر عنك ما كان بالغار
واني علي التمرة تهامل دموعي
وان المرء يتعجب كيف استطع هذا (المجنون) ان ينقض بيت الشاعر الاخر بهذه الصورة؟! فهل كان مجنونا حقا؟! ولكن اصبح لدينا معلومة تفيد انه معاصر للشاعر عبدالمحسن بن فوزان آل سويلم الذي عاش خلال الفترة (1313ه - 1390).
ونجد في الهوامش ص 575معلومات اخرى فكنيته ابو راشد وهو من اهل ثادق فارع الطول ومن اجمل الناس في عصره طلعة ومحيا وانه اصيب بعله في عقله وكان يقيم في غار في جبل يقال له القويرة او قويرة ابن عمار وكانت في الماضي تسمى قويرة لامنقع ظاهر البلد (ثادق) وكما ذكرنا آنفا انه رغم علته كان يأنس الى عبدالمحسن بن فوزان ويحترمه وكان الغرض من محاورتهما مهاداته للنزول الى داخل البلد للعلاج؛ ووضح معد الكتاب انه اخذ يتردد على حائل ويقيم عند الشيخ حسن بن عبدالرحمن بن محمد العمران من اهل الرياض (وكان يعمل قابضا للزكاة) فكان يعطف عليه ويأمر برعايته حتى انه توفي في منزله رحمهما الله.
ونجد في الفصل الثالث المسمى (مختارات البدراني) قصيدة لهذا الشاعر: محمد بن راشد بن عمار ويذكر معد الديوان مناسبتها اعتداء ركب من احدى القبائل على غنم اهل ثادق الذين لحق بهؤلاء منهم بعد ذلك مئتي رجل عند خشم الودينية فقاتلوهم وقتلوا عقيد القوم واعادوا حلالهم وانهزم بقية الركب فقال ابن عمار قصيدة منها:
قال من ولف بيوت غرايب
من كلام ينعش اللي يشيله
يالي زايد ياشبوب الحرايب
لاتهابون الحمول الثقيلة
مانعذر الا صغير وشايب
يوم راعي الرجم يومي شليله
دون ثادق ناطحين النوايب
كم عقيد مات كبده غليله
والقصيدة منشورة في سبعة ابيات.
وذكر من ضمن المختارات قصيدة للشاعر راشد بن محمد عمار في رثاء الشيخ محمد بن عبدالرحمن آل الشيخ (1335ه - 1396ه) وصاحب هذه القصيدة هو ابن الشاعر المشهور (ابن عمار) ويتأكد لنا انه عاش بعد 1396ه وهذا يعني وجود ذرية لهذه الشخصية التي كثرت حولها الروايات ويتأكد لنا ان ابن عمار من اعيان القرن الرابع عشر وليس قبل ذلك ولكن حق لنا ان نتساءل هل ابنه هذا مازال على قيد الحياة ثم هل له ابناء واحفاد آخرون؟! ان وجود افراد من اسرة (ابن عمار) سيضيف كثيراً من المعلومات والقصائد وربما صحح بعض المفاهيم الخاطئة حول هذه الشخصية بل انه من الممكن اخراج ديوان لهذا الشاعر الذي لا اشك انه له الكثير من القصائد التي لم تصلنا وربما ان بعضها مازال محفوظا في صدور الرواة ونشرت مجلة اليمامة في عددها 1776الصادر يوم السبت 8شعبان 1424ه اربعة ابيات نسبت لابن عمار شاعر الالفية وقالت المجلة: "قال الرواة ان ابن عمار شاعر الالفية الشعبية لم يقل الا هذه القصيدة واتضح خلاف ذلك لوجود اكثر من نصل له رحمه الله ولكن شهرة الالفية حجبت الاهتمام بغيرها من اشعاره "والابيات الاربعة هي:
يالح قلبي لح هجن مسرح
حراير مافيهن اللي لحوحي
على الذي صبحية العيد تذبح
العين خرسا والمبيسم ذبوحي
ولو ان قولة اح تبري المجرح
كثرت من ولاح وابريت روحي
مار ان قولة اح مالي بها صح
زود على مابي تزايد جروحي







رد مع اقتباس
إضافة رد

مواقع النشر (المفضلة)

الكلمات الدليلية (Tags)
الى, الفية, بن, حائل, عمار, عاشق, كاملة


 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


-


الساعة الآن 11:59 PM



Powered by vBulletin™ Version 3.8.7
Copyright © 2014 vBulletin Solutions, Inc. All rights reserved.
Content Relevant URLs by vBSEO diamond